Тропарь Тихону, патриарху Московскому и всея Руси
В годину тяжкую Богом избранный /
в совершённой святости и любви Бога прославил еси, /
во смирении величие, в простоте и кротости силу Божию являя, /
положил душу за Церковь, за люди своя, /
исповёдниче патриарше святе Тихоне, /
моли Христа Бога, /
Емуже сораспялся еси, /
и ныне спасти землю Русскую и паству Твою.
Тропарь Прославление
Апостольских преданий ревнителя /
и Христовы Церкве пастыря добраго, /
душу свою за овцы положившаго, /
жребием Божиим избранного /
Всероссийскаго Патриарха Тихона восхвалим /
и к нему с верою и упованием возопиим: /
предстательством святительским ко Господу /
Церковь Русскую в тишине соблюди, /
расточенная чада ея во едино стадо собери, /
отступившия от правыя веры к покаянию обрати, /
страну нашу от междоусобныя брани сохрани /
и мир Божий людем испроси.
| 
