Тропарь Борису и Глебу, во св. Крещении Роману и Давиду, блгвв. кнн., страстотерпцам

Мученическою кровию порфиру окропивше светло, /
украшени предстоите, страдальцы славнии, Царю Безсмертному, /
и, венцы славы от Него приимше, /
молитеся стране нашей подати на враги одоление /
и душам нашим велию милость.

Тропарь Глебу, во св. крещении Давиду, блгв. Кн

Мученик Твой, Господи, /
спасшеся веры ради, /
княже Глебе, /
труждающимся быстрый помощник /
и ненадежным надежа. /
Ты бо болезни врачуеши притекающим к тебе с верою. /
Темже и мы верою молимся /
от бед избави нас, /
чтущим любовию память твою.

Тропарь Перенесение мощей

Днесь церковная расширяются недра, /
приемлющи богатство Божия благодати, /
веселятся русстии собори, /
видяще преславная чудеса, /
яже творите приходящим к вам верою, /
святии чудотворцы Борисе и Глебе, /
молите Христа Бога, да спасет души наша.